Zoom

Cyngor ar ddefnyddio Zoom a chodau gwylio'r wythnos

Mae nifer o weithgareddau AmGen yn cael eu darlledu'n fyw ar raglen Zoom. Gallwch ddefnyddio Zoom yn hawdd, ac mae'r rhaglen am ddim, heb orfod lawr-lwytho unrhyw beth i'ch peiriant.

Rydym yn cyhoeddi codau gwylio ar y dudalen hon bob wythnos.  Dyma'r codau ar gyfer wythnos 8 Mehefin:

 

20:00 Nos Lun 8 Mehefin

Sesiwn y Gweisg AmGen o’r Babell Lên

Dolen: https://eisteddfod.zoom.us/j/86056805233 / drwy app Zoom: 860 5680 5233

Darlledir y sesiwn ar facebook hefyd

 

19:00 Nos Fawrth 9 Mehefin

Darlith yr Wythnos AmGen: Osian Rhys Jones

Dolen: https://eisteddfod.zoom.us/j/84755130327 / drwy app Zoom: 847 5513 0327

Darlledir y sesiwn ar facebook hefyd

 

20:00 Nos Fercher 10 Mehefin

Haf o Gerdd Dafod – Rhan 4

Dolen: https://eisteddfod.zoom.us/j/89126194578 / drwy app Zoom: 891 2619 4578

 

17:30 Dydd Iau 11 Mehefin

Creu yn Cofid: Elen ap Robert yn holi Angharad Jenkins a Catrin Finch

Dolen: https://eisteddfod.zoom.us/j/85793252666 / drwy app Zoom 857 9325 2666

Darlledir y sesiwn ar facebook hefyd

 

20:00 Nos Iau 11 Mehefin

Gosod Cerdd Dant – Rhan 2

Dolen: https://eisteddfod.zoom.us/j/87671455024 / drwy app Zoom: 876 7145 5024

 

16:00 Dydd Sul 14 Mehefin

Sesiwn y Cymdeithasau: Cymdeithas Niclas y Glais – Gwyneth Roberts yn trafod ei chyfrol ar Jane Williams, Ysgafell

Dolen: https://eisteddfod.zoom.us/j/89125342498  / drwy app Zoom: 891 2534 2498

 

 

 

Defnyddio Zoom

Gallwch ddefnyddio Zoom drwy eich cyfrifiadur, tabled neu ffôn.  Os ydych yn bwriadu gwylio sesiwn gyfan, rydym yn argymell eich bod yn defnyddio tabled neu gyfrifiadur gan fod y sgriniau gymaint yn fwy.  

Dilynwch y ddolen ar gyfer y sesiwn.  Cofiwch - dim ond y ddolen hon fydd yn gweithio ar gyfer y sesiwn.  Peidiwch â cheisio defnyddio'r un ddolen â'r wythnos ddiwethaf; rydym yn newid y codau bob wythnos er mwyn sicrhau diogelwch.

Os nad oes gennych chi app Zoom ar eich ffôn, tabled neu gyfrifiadur, cliciwch ar y ddolen.  Bydd hyn yn mynd â chi'n syth i'r sesiwn.   Os ydych wedi defnyddio Zoom o’r blaen ac wedi llwytho’r app, agorwch yr app a theipio’r cod yn y blwch gwag.  Bydd hyn hefyd yn mynd â chi’n syth i’r sesiwn.

Os nad yw'r sesiwn wedi cychwyn, bydd hyn yn glir ar y sgrin.  Peidiwch â phwyso dim byd.  Bydd y sesiwn yn dechrau'n awtomatig.

Bydd hwylusydd y sesiwn yn egluro sut mae pob sesiwn yn gweithio ar y cychwyn.  Bydd hefyd yn egluro sut mae modd gofyn cwestiynau a sut i ddefnyddio’r botwm Q&A sydd wedi’i leoli ar waelod y sgrin.

Mae Sesiwn y Gweisg a Darlith yr Wythnos yn sesiynau Webinar.  Mae hyn yn golygu bod y sesiwn yn debyg iawn i ddarlith.  Fe fyddwch yn gallu gweld y panel / darlithydd ac unrhyw sleidiau / gyflwyniad.  Ni fydd modd i chi weld na chlywed unrhyw un arall sy'n gwrando a gwylio, ac ni fydd modd iddyn nhw eich gweld na’ch clywed chi.  Bydd cyfle ar ddiwedd y sgwrs / darlith i ofyn cwestiynau, a dylech wneud hyn drwy glicio ar y botwm Q&A ar waelod y sgrin a theipio’ch cwestiwn.

Mae’r gweithdy cynganeddion yn fwy rhyngweithiol, ac mae modd i chi gyfrannu.  Unwaith eto, bydd hwylusydd y sesiwn yn egluro sut mae pethau’n gweithio, a bydd yn egluro sut i ddefnyddio’r botwm ‘chat’ er mwyn gallu cyfrannu llinellau o gynghanedd.  Ar ddechrau’r sesiwn, fe fyddwch chi’n gallu gweld pawb sy’n cymryd rhan yn ogystal â’r tiwtor.  Os nad ydych chi am i bawb eich gweld chi, mae’n ddigon hawdd i chi ddiffodd y fideo. 

Bydd y tiwtor yn gyfrifol am y botwm distewi (mute).  Fel rheol, ni fydd modd i unrhyw un eich clywed, ond ambell dro, fe fydd yn gofyn am ymatebion cyflym ac yn pwyso’r botwm distewi.  Bydd hyn yn eich galluogi i gael eich clywed.  Yna, fe fydd yn eich distewi eto fel nad oes unrhyw synau cefndirol yn effeithio ar y gweithdy.

Gwylio Eto

Mae pob sesiwn Zoom yn cael ei recordio, ei golygu ac yna’n cael ei llwytho i wefan yr Eisteddfod a’n sianel You Tube.  Rydym yn anelu i gyhoeddi sesiynau ar-lein o fewn 48 awr.  Yna, gallwch wylio eto a lawr lwytho unrhyw sleidiau neu wybodaeth berthnasol sy’n cyd-fynd â’r sesiwn.  Byddwn yn cyhoeddi rhaglen AmGen bob dydd Gwener.

Gallwch lawr-lwytho'r wybodaeth ar sut i ddefnyddio Zoom o waelod y dudalen hon.

 

PDF icon Cyngor ar ddefnyddio Zoom